Cumpré ite a Urtijëi te Gherdëina giapan na consulënza cumpetënta

Tla truepes butëighes spezialisedes a Urtijëi abineis furnimënt de sport, atrezatura da ji cui schi y per ji sa mont, guanc de moda, ciauzei, artejanat artistich, roba da fé damat y spezialiteies regiuneles de cualità.

Iel pa n Shopping-Center che se à svilupà a na maniera naturela?
Te nosc uedli bën. Y chësc bele da n pez incà:
“Shop me Urtijei” ie defati da truep ani la esprescion dla idea dl Shopping-Center naturel y si pont de forza ie la gran varietà de butëighes y de si buteghieres, y l fat che chësta butëighes ie dutes daujin la una dal’autra.

Tamesa na bela architetura y na natura da marueia
L chemun de Urtijëi te Gherdëina à na gran sodesfazion d’avëi te si luech plu che 100 butëighes atives che crieia dutes adum na bela atmosfera nvienta de “Shopping”. La gran pert dla butëighes vën meneda da jënt dl luech.
L raion ampl da jì a pe, che fova n iede la streda prinzipela de Gherdëina, ti dà la puscibltà a duc de jì a pe tres l luech y amiré la bela vedrines. L ne ie nia n Shopping-Center sciche duc i autri cun mures de peton stares y frëic: Urtijëi, l luech prinzipel de Gherdëina ie n paesc da mont de paruda tamesa la Dolomites, patrimone naturel dla umanità UNESCO, te chël che l ne mancia nia la butëighes. Leprò iel ënghe mo i truep bars y restaurants: lascëve zartië eno-gastronomicamënter!

La varietà fej ora dut!
Dal’atrezatura da jì cun i schi a linzuei y zieches, da prudoc regiunei y da paur, gulesies y manufac locai a scafaroc o a na bona boza de vin, “Shop me Urtijei” à tan che segur l prudot che adurvëis tla vita da uni di o sce fajëis iust vacanzes te Gherdëina.

Ie ue mé la miëura (!) marches!
Longines, Intimissimi, Salomon, Adidas, Oakley, Bogner, Gazzetta, Salewa, Fred Perry, Calida, Mammut, Frauenschuh, Scarpa, Tod’s, Fusalp, Patagonia, Phenix , Dainese, La Sportiva, Lowa, Nordica, Lange, K2, Head, Napapijri, Stöckli, Nordica, Head, Atomic, Algida, Bauli, Lindeberg, Roner, Montura, Descente, Peak & Performance, Nutella, Samsung, Julbo, Moncler, Hogan, Michael Kors, Woolrich, Stone Island, Sportalm, Saucony, Nero Giardini, Canada Goose, Masi, Swatch, Pinko, Calvin Klein, Estrosia, Luis Trenker, Thun, Kleenex, Barilla, Diesel, UGG, Breitling, Moet & Chandon, Sony, Zuegg, Gas, Superga, Love Moschino, Trollbeads, Asics, Toni Sailer, Timberland, Silvia Kelly, Levis, Moonboot, Benetton, Chicco, Psenner, WMF, Gardena, Loacker, VicMatie, Rado: chësta marches de cualità y mo truepes d’autres vën pitedes tla butëighes de Urtijëi a priejes cumpetitifs.